ស្ទឹងត្រែង៖កម្លាំងរដ្ឋបាល​ល​ព្រៃឈើ​ស្រុក ថា​ឡា​បរិ​វ៉ា​ត់​ខេត្តស្ទឹងត្រែង​បាន​ឃាត់​ឈើ​ប្រភេទ​ម៉ៃសាក់​ដែល​គេ​ដឹក តាម​រថយន្ត​ពីរ​គ្រឿង​កាលពី​ល្ងាច​ថ្ងៃទី​៧​ខែមិថុនា​ឆ្នាំ​២០១៦​។​ក្រុម អ្នកដឹកឈើ​បានឱ្យដឹងថា​កំណាត់ឈើ​ម៉ៃសាក់​ដែល​ខ្លួន​ដឹក​តាម​រថយន្ត​ពីរ គ្រឿង​មានច្បាប់​ត្រឹមត្រូវ​ប្រមូល​ទិញ​ពី​អាជ្ញាធរ​និង​គណៈកម្មាការ អាចារ្យ ព្រះចៅអធិការ​វត្ត​ក្នុង​ឃុំ​ចម្ការលើ​ស្រុក​ថា​ឡា​បរិ​វ៉ា​ត់​ដើម្បី​យកទៅ ប្រើប្រាស់​នៅ​ខេត្ត​ត្បូងឃ្មុំ​។​

​អ្នកដឹកឈើ​បានបង្ហាញ​លិខិត​ចុះ ថ្ងៃទី​២​ខែមិថុនា​ឆ្នាំ​២០១៦​មានការ​ទទួលស្គាល់​ដោយ​គណ​:​ក​ម្មា​ការ អាចារ្យ​ព្រះចៅអធិការ​វត្ត​និង​អាជ្ញាធរ​ឃុំ​ចម្ការលើ​ស្រុក​ថា​ឡា​បរិ​វ៉ា ត់​បាន​លក់​ឈើ​ម៉ៃសាក់​ចំនួន​៨​ដើម​ឱ្យទៅ​ឈ្មោះ​ឃឹម​ឃុនលី​ភេទ​ប្រុស​អាយុ ៥០​ឆ្នាំមាន​ទីលំនៅ​ភូមិ​ទួល​ទ្រា​ឃុំ​ជប់​ស្រុក​ត្បូងឃ្មុំ​ខេត្ត ត្បូងឃ្មុំ​ដើម្បី​យកទៅ​ប្រើប្រាស់​តាម​តម្រូវការ​ផ្ទាល់ខ្លួន​។​ក៏ប៉ុន្តែ ពេល​គេ​អារកាត់​ផ្តាច់​ជា​កង់ៗ​លើកដាក់​តាម​រថយន្ត​ពីរ​គ្រឿង​ធ្វើដំណើរ តាមផ្លូវ​ជាតិ​លេខ​៩​បម្រុង​នឹង​ឆ្លងកាត់​តាម​ខេត្តស្ទឹងត្រែង​រួច​បន្តទៅ ខេត្ត​ត្បូងឃ្មុំ​បែរ​ត្រូវ​មន្ត្រី​ជំនាញ​រដ្ឋបាល​ព្រៃឈើ​ស្រុក​ថា​ឡាប​រិ វ៉ា​ត់​ឃាត់​ទៅវិញ​។​


​លោក​អ៊ុយ​ស្រី​នាយផ្នែក​រដ្ឋបាល​ព្រៃឈើ ស្រុក​ថា​ឡា​បរិ​វ៉ា​ត់រ​ស្មី​កម្ពុជា​មិនអាច​សុំ​ធ្វើការ​បកស្រាយ​បំភ្លឺ បានទេ ជុំវិញ​ករណី មន្ត្រី​ជំនាញ​ឃាត់​រថយន្ត​ពីរ​គ្រឿង​ដឹកឈើ​ម៉ៃសាក់​នោះ​នៅ​ល្ងាច​ថ្ងៃទី​៨ ខែមិថុនា​ឆ្នាំ​២០១៦​។​ក៏ប៉ុន្តែ មន្ត្រី​ជំនាញ​បាន​និយាយ ពេល​ចុះ​ឃាត់​រថយន្ត​ដឹកឈើ​កាលពី​ល្ងាច​ថ្ងៃទី​៧​មិថុនា​ថា​មូលហេតុ​មន្ត្រី ជំនាញ​ឃាត់​រថយន្ត​ដឹកឈើ​ម៉ៃសាក់​ដោយ​សំអាងថា​គ្មាន​លិខិតអនុញ្ញាត ដឹកជញ្ជូន​ពី​ខាង​មន្ត្រី​ជំនាញ​។​ទាំង​ឈើ​លើ​រថយន្ត​ពីរ​គ្រឿង​រហូតមកទល់ ថ្ងៃទី​៨​មិថុនា​ខាង​ជំនាញ​រដ្ឋបាល​ព្រៃឈើ​មិនទាន់មាន​ចំណាត់ការ​យ៉ាងណា នៅឡើយ​ទេ​។​រថយន្ត​ទាំងពីរ​គ្រឿង​នោះ​កំពុង​ស្ថិតក្នុង​សង្កាត់រដ្ឋបាល ព្រៃឈើ​ថា​ឡា​បរិ​វ៉ា​ត់​៕

​